MASKENBAL
MASKENBAL
Ubica je na recepciji naručio buđenje u sedam da bi na vrijeme stigao da likvidira jednog nepoznatog visokog funkcionera. U hotelu u kojem je odsjeo uveliko je tekao tradicionalni maskenbal.
Kada se recepcioner našao u sobi ubice, ovaj je prilično tvrdo spavao. I da ga ne bi probudio, u njega je pucao iz pištolja sa prigušivačem.
S druge strane, maskenbal se dobro odvijao, a kao najzapaženije maske izdvojili bismo tjelohranitelja prerušenog u ubicu, ubicu u visokog funkcionera, recepcionera u tjelohranitelja, dok se visoki funkcioner odlično snašao u ulozi recepcionera. Samo nije znao da je i ubica učesnik maskenbala, pa je uredno upucao svog stvarnog tjelohranitelja. Kada je visoki funkcioner ljubazno zatražio nazad svoju garderobu, stvarni ubica više nije imao dilemu koga treba da ubije.
„Recite mi sve o žrtvi, kazaću vam ko je ubica“
Žorž Simenon
Autor Aneta — 09 Sep 2015, 02:00